Мулоқоти Вазири корҳои хориҷӣ бо Раиси Кумитаи иҷроия – Котиби иҷроияи ИДМ
27.02.2015 17:39
27 феврали соли 2015 мулоқоти Вазири корҳои хориҷии Ҷумҳурии Тоҷикистон Сироҷидин Аслов бо Раиси Кумитаи иҷроия – Котиби иҷроияи Иттиҳоди Давлатҳои Мустақил Сергей Лебедев, ки ба ҳайси сарвари Миссияи нозирон аз Иттиҳоди Давлатҳои Мустақил ба Душанбе ташриф овард, баргузор гардид.
Зимни вохӯрӣ ҷонибҳо масъалаи ҳамкориҳои Тоҷикистону ИДМ-ро мавриди баррасӣ қарор дода, оид ба масоили омодагӣ ба интихоботи вакилони Маҷлиси намояндагон, Маҷлисҳои маҳаллии вакилони халқ ва ҷамоатҳо, ки 1 марти соли ҷорӣ баргузор хоҳад гашт, мубодилаи афкор карданд.
Ҳамчунин, зимни мулоқот ҷонибҳо вазъи кунунӣ ва дурнамои ҳамкориҳои бисёрҷониба дар ҳошияи Иттиҳодро мавриди муҳокима қарор доданд.
